Medieoppsummering veke 3 2023

Ønsker du å få tilsendt medieoppsummeringane våre direkte på epost? Send ein epost til afa(a)eos-utvalget.no

Meld deg på årskonferansen vår 30. mars

Danmarks kontrollorgan blir nekta å kontrollera deler av FEs verksemd

Høyring i Stortinget om forslaget om å gi PST større fullmakter til å samla inn informasjon frå opne kjelder

Noko av det som blei nemnt i høyringa som blei arrangert av justiskomiteen var:

Datatilsynet er skeptisk og meinte mellom ann at det er monaleg usikkerheit knytt til rekkevidda av forslaget. Dei peika mellom anna på manglande regulering knytt til bruk av kunstig intelligens og at forslaget slik det ligg no vil vera særs vanskeleg å kontrollera.
Tilsynet stilte seg også kritisk til korleis slike fullmakter til PST kunne påverka samfunnsdebatten. Dei knytte justisministerens utsegn om at dette kunne brukast til å føreseia ei utvikling av valdeleg klimaekstremisme opp mot at folk kunne bli redde for å hamna i PSTs register om dei til dømes engasjerte seg i klimadebatten på nett eller skreiv avisinnlegg om sivil ulydnad.
Til slutta peika Datatilsynet på at EOS-utvalet bør få gode nok kontrollmoglegheiter, og dei skulle også ønska seg at det var førehandskontroll av domstolen knytt til dette.

Også Tekna var skeptiske og ba komiteen sjå forslaget i samanheng med E-tenesta sin nye metode TI, samt lagring av ip-adressar og innsamling av flypassasjer-informasjon som nyleg er blitt vedteke.
Sjølv om fagforeininga meiner det er bra at lagringa i utgangspunktet blei kutta frå 15 til 5 år, var dei kritiske til at sjef PST, utan nokon sjølvstendig kontroll, kan forlenga lagringa med 5 år om gangen.
Tekna var også opptekne av korleis sletting praktisk kan bli gjort, og ikkje minst kontrollert, samt at EOS-utvalet bør få fleire ressursar.
Advokatforeningen var mellom anna kritiske til at det ikkje er godt nok utgreidd i forslaget korleis rettstilstanden er i resten av Norden.
I tillegg er dei skeptiske til at det vil kunne bli lagra særleg sensitive personopplysnignar, og at det ikkje er noko krav om at informasjonen skal vera korrekt, pluss at det ikkje er lagt opp noko ekstra vern for barn.

NIM (Norges institusjon for menneskerettigheter):framheva atdet nye forslaget om PST pluss TI-systemet til E vil tyde at så å seie all kommunikasjon som nordmenn gjer vil bli lagra.
NIM var også kritisk til mangel på kontrollmekanismar og meinte at når ein investerer i tryggleik, som det her blir foreslått, må ein også investera i rettar. Dei peika mellom anna på at EMD-dommar krev ende-til-ende-tryggingsmekanismer når det er snakka om bulk-innsamling. Forslaget slik det ligg no meinte NIM kunne utgjera ein «rettsleg risiko».
I tillegg stussa NIM på at EOS-utvalet ikkje skulle få fleire midlar om dei får fleire oppgåver.

Mot slutten av høyringa peika både Advokatforeningen og NIM på at det kunne vera uklare konsekvensar for at bruken av informasjon frå eit slikt OSINT-innsamlingsystem også kan brukas i etterforsking.

Om den mistenkte illegalisten

Brør spiondømt i Sverige

Om terroråtaket i Oslo i fjor sommar og kva PST, E, politiet og justisministeren visste